الحقيقة في كتير أسس لوضع السياسات للشركة, طبعاً ما بدي إحكي عن هالموضوع هلق. ممكن بالموقع إزا الله بارك بعمرنا.
بس من هالأسس, إنو تكون السياسات بتركز على الأهداف أكتر من الوسائل. فالسياسات غالباً أساسية وصعب تغييرها لأنها بتتعلق باستراتيجية الشركة. أما الإجراءات فهي لازم تكون مرنة وبتقدر تغييرها بس طبعا بدون المساس أو خرق بالسياسات.
راح أعطي مثال لحتى الشباب تتحرك شوي معنا.
لنفرض إنو في عنا شركة كبيرة هالشركة بتعتمد على إستيراد وتوزيع أصناف معينة بالمملكة.
الإدارة بيعتمدو على مركزية شديدة بالشراء (قرار الشراء مركزي), لحتى يسيطرو على الوضع وما تصير شوربة.
الشركة تملك مستودعات رئيسية بكل المملكة, ولازم المشتريات تتوزع بمجرد استلامها من الميناء حسب عوامل وحسب قرارات مسؤولي التوزيع والمخازن. وبالتالي لازم تكون المعلومات عن الحاجات وأرصدة الأصناف أونلاين, وبتوصل على الإدارة مباشرة.
إزا كان البرنامج ما عم يقدر يلبي حاجة الحصول على المعلومات من الفروع مباشرة.
شو الحل؟
تغيير سياسة الشراء المركزية (أذكر السياسةالمناسبة مع التعليل)
تعديل الإجراءات (أذكر الإجراء المناسب مع التعليل)
تعديل البرنامج (ما هي التعديلات).
هادا مثال. وبأمل إنو كل واحد من الإخوة صارت معه تجربة من هالنوع (تضارب بين السياسات والبرنامج) يذكرها.
شكرا للجميع