عرض مشاركة واحدة
قديم 03-Feb-2012, 11:51 AM   #7
ahai
مشرف عام في منتديات جريت بلينز العربية
افتراضي

اقتباس:
المشاركة الأصلية كتبت بواسطة عماد زيد مشاهدة المشاركة
السلام عليكم
الملف ممتاز ومعروف. بس المشكلة هيي بحساب ال Benefits
بمعنى كيف تقيس و تحسب هذه الأرقام ؟؟؟؟ هذا يحتاج جهد كبير جداً و كله تقريبي و تخميني.
هلا أبو رياض, طمنا شلون صحتك هلق ؟؟

خيو اللي بعرفو (وهني كاتبين شي قريب من هيك) إنو المنافع نوعين نوع له أثر مالي (Quantitative) يمكن الحصول عليه من قسم المحاسبة مثلاً .
ونوع ليس له أثر مالي (Qualitative) وهذا ممكن إنك تحصل على بعض المعلومات بشكل تقارير تحليلية, بس لازم الشركة يكون عندها نظام معلومات شوي قوي.

النوع الأول ببساطة, قارن أرقام الميزانية وأرقام قائمة الدخل قبل تركيب النظام وبعد التركيب وشوف الفرق. الصعوبة تكمن إنو إذا كنت مطبق أكتر من سياسة جديدة مع بعض. وبهالحالة ما راح تقدر تحدد المنفعة من وين إجت. مثلاً: ركبنا نظام ERP , وكمان غيرنا سياسة التحصيل بشكل يسهل على الزبائن عملية الدفع. طبعاً بالنتيجة راح ينخفض عندك رصيد الزبائن ويزيد (الكاش فلو) من التحصيل. بس مين السبب ؟ وأديش نسبة تأثير كل سبب ؟؟

النوع الثاني, مثلاُ أديش استطعنا نخفض الفترة الزمنية بين طلب الشراء والإستلام. أو أديش استطعنا تقليل أخطاء البيانات.
ممكن نعمل هيك تقارير, بس بشكل نوعي وليس مالي. وبالتالي ماراح تقدر تطالع ROI الناتج عنها (في طرق بس يعني ما بعرف إزا صح استخدامها أو لا, مثلاً بتحسب الزمن اللي خفضتو وبتضربو بالأوفرهيد O/H ratio بس .!!!)

الحقيقة قياس هيك شي ضروري ولكنه صعب. بس باعتقادي إنو ممكن نعتمد ولو بشكل جزئي على نوعين من التقارير (مالي ونوعي) بشكل منفصل. لعلها تعطي مؤشر عن الاستفادة من تركيب النظام.

آسف للإطالة وشكراً
__________________
عش ما شئت فإنك ميت . وأحبب من شئت فإنك مفارقه . واعمل ماشئت فإنك مجزي به
اللهم صلي وسلم وبارك على سيدنا محمد وعلى آله وصحبه وسلم
ahai غير متواجد حالياً   رد مع اقتباس