منتديات جريت بلينز العربية Great Plains For Arab

منتديات جريت بلينز العربية Great Plains For Arab (http://www.gp4arab.com/forum/index.php)
-   منتدى جريت بلينز العام (http://www.gp4arab.com/forum/forumdisplay.php?f=31)
-   -   دورة حياة مشروع جريت بلينز (http://www.gp4arab.com/forum/showthread.php?t=84)

عماد زيد 10-Jul-2011 06:25 AM

دورة حياة مشروع جريت بلينز
 
السلام عليكم
أول الشي باهنيكم على هالمنتدى و هادا أول موضوع باحطه و باتمنى نستفيد كلنا من النقاش.
من المعروف أنه نجاح أي مشروع يتعلق بطريقة إدارته.و لو نظرنا لأي مشروع جريت بلينز بأي شركة بنلاحظ أنه بيمر بمراحل متعددة:
System requirements or RFP
Ssytem Mapping
Gaps analysis
Pilot server
Implementation
طبعا كل شركة إلها خصوصيتها و كل مشروع ممكن يدار بطريقة مختلفة بس أكيد فيه أساسيات لازم الكل يعتمدها.
هل عندكم نماذج جاهزة لهل المواضيع ؟ كيف تتم هذه الدراسة ؟
من أعضاء المشروع ؟ و ماهي أهم أسباب فشل و نجاح مشاريع جريت بلينز ؟
بانتظار أراءكم

Monzer Osama 10-Jul-2011 01:46 PM

حياك الله أخي زيد ...
الحقيقة لقد افتتحت موضوع كثيرا ما يثار ... لقد وضعت يدك على الجرح بصراحة

اسمحلي أن أتكلم عن عقبات تواجه مدير المشروع في
آلية جمع البيانات من العملاء

نعم فالموظفين عند العميل تعوواد على العمل بطريقة معينة وعلى برنامج معين لا يريدون التغيير .... وأنت تبدأ بحيص بيص بين المدير وبين الموظف .. أين الأصناف؟؟؟ أين التصنيفات ؟؟؟Classes أين أسماء العملاء...؟؟؟ أين الحسابات؟؟؟ أين أين؟؟؟؟؟
هذا إن كان قد فهم عليك كيفية ترميز العملاء لكي يتناسب مع التقارير التي يحتاجها!

شئ آخر ...

العميل عندما يركب برنامج جريت بلينز يحلم بأن يكون لديه عصى سحرية يضرب بهاالبرنامج ليصبح كما يرد هو.....
أي أن العميل يريد أن البرنامج هو الذي يفهم عليه لا أن يفهم هو على البرنامج!

نأتي الى الحسابات :

الويل لك والثبور إن لم يكن في الشركة شجرة حسابات ...
والأدهى والأَمرّ لو كان المحاسب لا يجيد التعامل مع الكمبيوتر ,,, يعمل منذ سنين على دفتر الاستاذ العام (لا أدري كيف سموه دفتر على ضخامة حجمه) ولا يجيد التعامل حتى مع إكسل .... وبهذا إبدأ أنت باختراع شجرة حسابات وحاول تفهم المحاسب عشان يفهمك هذه الحسابات من أين أتت وماذا تعني بالمسميات التي عندهم .......

مشاكل في البنية التحتية

قدلا يكون لدى العميل سياسة واضحة لاحتياج الموظفين الى جهاز الكمبيوتر؟
فتجد الموظفين ذو الخبرات البسيطة جدا يستعملها لأجل الكتابة النصية فقط وحدود معرفته لا تتجاوز ذلك لكن هذا لا يمنع أن تجد على جهاز الكمبيوتر جميع الألعاب والملفات الصوتية والمرئية والملفات التجسس من الانترنت وغيرها الكثير فستحتاج بهذه الحالة الى إعادة تهيئة البنية التحتية لأجهزة الكمبيوتر الخاصة بالعميل.


هنالك الكثير جدا لكن هذا ما يحضرني الآن .... لكن هنالك نقاط
من المهم أن يتداركها الـ Implementer أثناء عملية تركيب البرنامج:


1- لا بد أن يأخذ وقته في عملية التخطيط بشكل عام حتى لو تجاوزت الشهر

2- ليكن واضح مع العميل من البداية ويبين للعميل ما هي إمكانيات البرنامج بدون أن يذكر إمكانية التعديل عليه (Customaization)

3- استخدم الـ (Customaization) آخر الحلول

4- ليكن طرف واحد لدى العميل تطلب منه طلباتك ويلبيها لك ولا تقم أنت بطلب البيانات من الموظفين مباشرة

5-لتكن وسيلة اتصالات رسمية موثقة (مثل الإميل والفاكس) بينك وبين العميل

6- ليكن العميل في الصورة أولاً بأول في حال حدوث أي تقصير


وطبعا لا تنسى التوكل على الله قبل كل شئ ولي عودة مع موضوع


أشكرك أخي مرة ثانية





ياسر حميد 10-Jul-2011 02:49 PM

حياك الله أخي..

ما شاء الله الأخ منذر ما ترك شي..
لكن أردت فقط أن أعقب ببعض الأفكار الأخرى التي يحتاجها مطبق البرنامج Implementer.. أياً كان فرداً أو شركة..

1- في مسألة مشاكل البنية التحتية..تحتاج لتحديد الحد الأدنى لمتطلبات تشغيل البرنامج، من حيث بيئة العمل وطرق الاتصال وكفاءة المستخدمين..
فلا يصلح مثلاً أن يعمل على البرنامج موظف.. لا يعرف من الكمبيوتر إلا إسمه، لأن هذا الشخص سيكلفك الكثير من الوقت والجهد لإعادة تأسيسه وتأهيله لاستخدام الحاسب ومن ثم البدء في تدريبه على البرنامج!!
كما لا يصلح تطبيق البرنامج على أجهزة ذات نظم تشغيل قديمة أو غير متوافقة مع البرنامج أو بمواصفات رديئة لا تكاد تكفي لتشغيل برامج أوفيس !!

2- تدريب الموظفين.. كلٍ حسب طبيعة عمله..
تحتاج لعمل جدولة زمنية لتدريب الموظفين حسب أقسامهم (مبيعات..مالية..مشتريات..أمناء المستودعات..الخ) بحيث تقوم بعمل بيئة تدريبية متكاملة..
وتعتمد فترة التدريب على مدى كفاءة الموظفين وقدرتهم في استخدام الحاسب واستيعاب البرنامج..

3- يحتاج مطبق البرنامج دوماً إلى بيئة تجريبية محاكية للبيئة التي سيعملون عليها من حيث طرق الاتصال بالبرنامج والجزيئات المتعلقة به ونظام الصلاحيات وغيرها.. لتجربة أي تغيير أو إضافات قبل إطلاقها للعمل بشكل مباشر..

4- يحتاج مطبق البرنامج إلى أن يكون لديه إلمام جيد وسياسة واضحة في مسألة الترميز والتصنيف في جزيئات البرنامج المختلفة. المالية أو العملاء أو الموردين أو الأصناف.. كما ينبغي أن يكون لديه فكرة عن التقارير المالية والمحاسبية المطلوبة دوماً في الشركات بحيث يتم الترميز والتصنيف بناءً على سياسة متغيرة طبقاً لاحتياجات الشركة من التقارير والمخرجات.. ويفضل أن يطلب التقارير المطلوبة
وهذا الموضوع مهم جداً لنجاح أو فشل البرنامج..

5- لا بد أن ينتبه مطبق البرنامج إلى مسألة الData Integrity تكامل البيانات..
وهذه المسألة أيضاً مهمة لأنه كما قيل Garbage in Garbage out !
وتتأكد هذه المسألة في حق البيانات المنقولة بالجملة من برنامج آخر ومدخلة عن طريق أحد طرق التكامل مثل integration manager ..

هذا ما أذكره حالياً .. وللحديث بقية

عماد زيد 10-Jul-2011 04:05 PM

السلام عليكم
يا سلاااااااااااااام شو هالمنتدى يللي بيعبي الراس
من زمان لايص بين المنتديات العربية و الأجنبية لحتى كنت ناوي افتح منتدى لحالي :)
طيب من الشغلات المهمة لنجاح المشروع هي وجود شخص من شركة الزبون يكون واجهة الإتصال و مانكون مضطرين نحكس مع عشرين موظف بالشركة.
انا انتقلت من زبون لجريت بلينز إلى شركة جريت بلينز و من ثم لزبون مرة تانية و هادا خليني شوف الشغل من الطرفين. من داخل الشركة الاهم هو إدارة التغيير و المهم من الطرف الخارجي هو أخد المتطلبات صح و يكون قادر على فهم عمل الشركة قبل اقتراح أي حل.و من المهم أيضاً إدارة التوقعات ( يعني ما يكون الزبون متوقع انه البرنامج راح يطحن بن كمان :) )
و الموضوع يطول و له شجون.

عماد زيد 10-Jul-2011 06:11 PM

السلام عليكم
طيب برأيكم شو أهم عوامل نجاح اي مشروع ERP ؟


1- فريق عمل كامل من مختلف أقسام الشركة
2- إدارة التغيير ( و ليس تغيير الإدارة ) و معناها أنه الشركة تكون قادرة على إدارة التحويل بالشغل من الطريقة اليدوية أو البرنامج القديم للبرنامج الجديد و هادا بالعادة من أهم الشغلات لأنه المستخدمين بشكل عام بيرفضو أي جديد ... ما تنسو أنه نحنا عم نحكي عن محاسبين و مندوبن يعني يمكن ما يحبو يغيروا يللي متعودين عليه من سنين

3- دعم من الإدارة العليا و إلا بيفشل البرنامج لو ضل بأيد صغار الموظفين

4- وجود خطة عمل و استراتيجية واضحة للشركة

5- Business process re-engieering لأنه مامعقول البرنامج يضل ماشي على طرق عمل قديمة و متخلفة.أنا عندي مثال على هالشي من إحدى الشركات يللي كانت تضطر تدخل المعلومات بالإكسل مرتين و مرة بجريت بلينز لنه المدير يللي كان يعمل الفاتورة بالإكسل ما بيحب يبعت الملف بالايميل فكان بيطبعها و بيبعتها لقسم تاني بيكتبوها مرة تاني على الأكسل مع تغيير بعض الحقول و بتنطبع و من ثم بتروح للمحاسبين ليدخلوها على جريت بلينز.

6- تكون كل المراسلات و الاتصالات واضحة و موثقة وإلا بنضيع على قلتلك و ما قلتلي و مين شاواها و ليش هيك

7- إدارة مشروع منهجية هاي كمان علم كامل بتحبو بنبقى نعمل موضوع عن إدارة المشاريع

8- تعديل البرنامج و تجريبه يجب أن تتم بمنهجية موثقة راح نشرحها بالتفصيل

9- مراقبة أداء تطور المشروع يعني كل خطوة المفروض يكون محدد لها وقت معين و موظفين معينين و ضمان أنه تخلص ضمن الوقت
10- لازم يكون واحد بالشركة ماسك المسؤولية عن المشروع
11- تكون البنية التحتية للشركة من شبكات و سيرفرات جاهزة لهيك برنامج

عماد زيد 10-Jul-2011 06:22 PM

1- مرحلة اخد المتطلبات :

هاي المرحلة هي من أهم مراحل المشروع لأنه إذا ماكانت المتطلبات واضحة بيضل البرنامج عم يتعدل و يتعدل و بيفشل المشروع

هلق متطلبات الزبون ممكن الزبون نفسه يساويه إذا كان فريق عنده عمل فهمان و ساعتها بتبعتها هيي للموردين بشكل RFP = Request for proposal
و هو عبارة عن ملف بيحيوي كل متطلبات الشركة و كل وحدة المفروض تكون جنبها علامة متل : must have , nice to have ,Wish list
هدول التلاتي بيحددو أهمية هالطلب بالنسبة للزبون يعني مثلاً ممكن الزبون يطلب أنه يكون البرنامج عنده واجهة ويب و ماتكون عنده أساسية كتير بيجي بيقول هي nice to have

الطريقة التاني أنه المورد يبعت فريق عمل و يقعد مع كل أفراد الشركة و يدرس كل المتطلبات و طبعاً كل مرحلة بتتوثق و بيتاخد توقيع الزبون عليها

و انا برأيي هاي الطريقة أحسن لأنه الزبون ممكن كتير شغلات يعتبرها بديهية و ما يحطها هوي بس هاي بتكون كتير بتأثر على البرنامج

هلق أخد متطلبات الزبون شغلة كتير مهمة و كبيرة و في إلها طرق كتيرة

عماد زيد 10-Jul-2011 06:23 PM

2- مرحلة اختيار الموديولز و البرامج
بالمرحلة هاي المورد بيدرس متطلبات الزبون يللي صارت عنده جاهزة و بيبلش يظبط المتطلبات هاي على البرامج يللي عنده أو يللي بالسوق طبعاً بتكون هاي كمان مرحلة مهمة لأنه لازم يكون اختيار الموديولز بيتناسب مع ميزانية الزبون و البنية التحتية عنده.

عماد زيد 10-Jul-2011 06:24 PM

3- Features mapping
هاي المرحلة بينحط فيها بالتفصيل كل متطلبات الزبون مع وظائف البرنامج و بينقال هاي بتتساوي بهاي الشاشة و بيتخللها طبعاً presentations للزبون بتفرجوه البرنامج و بتاخد رأيه

عماد زيد 10-Jul-2011 06:25 PM

4- Gaps analysis

بهاي المرحلة بتنحط كل ال Gaps يعني الشغلات يللي بده إياها الزبون و ما بتتساوى بالبرنامج و على أساسها هدول ممكن ينحلو بعدة طرق :
1- تعديل البرنامج ليظبط عليهم
2- تغيير المتطلبات شوي لتظبط عالبرنامج
3- الوعد أنه هاي راح تكون بالإصدار الجديد من البرنامج و الزبون ممكن يستنى شوي
4- اعتبارها غير موجودة و القرار للزبون إذا فينه يعيش من غيرها

هاي المرحلة كمان كتير مهمة لأنه لو ما انعملت بتطلع كتير مشاكل بعدين على برنامجكم ما بيطحن بن لأ ماقلنالك بيطحن و المشاكل المعروفة بين الزباين و الموردين.

عماد زيد 10-Jul-2011 06:27 PM

5- لو انحلت المشاكل يللي فوق ساعتها بيتنزل سيرفير تجريبي بالشركة و بيبلش هون configuration تبع البرنامج حسب المتطلبات و تعديله إذا مطلوب و بنفس الوقت بتندرس المعلومات يللي موجودة بالبرامج القديمة إذا خرج تتحول للبرنامج الجديد
هاي المرحلة بتاخد بالعادي حوالي شهرين و إنتم طالعين


جميع الأوقات بتوقيت GMT +3. الساعة الآن 03:51 PM.

Powered by vBulletin® Version 3.8.3

الموقع والمنتدى من تطوير » شركة المنذر للاستضافة والتصميم


الموقع لا يمثل أي جهة رسمية بل هو جهد شخصي يرمي الى تجميع القدرات في برنامج جريت بلينز